COUSAS DE PUR IQUÍ (XI)

Confirmación en Ñugar (9/02/2013)   

  Cu nun frieu de los demonios y más d´uno dando la barbadiella, fuimos a Ñugar (quien quixo dir) ´l día 9 de febreiro a las 5. Venu l´Ubispo    d´Astorga a Confirmar, ´l cura de La Baña y ´l ñueso. La misa foi llarga en demasía. On s´ axuntou un gran tagayico de xente peru nin la madrina tirou las granadas nin naide repartieu calor; más bien pouco que mueito, cada uno guardou ´l sou.

COUSAS DE PUR IQUÍ (X)

San Bras (3/02/2013). Abugau de las gorxas.

           

    Nun se vay a decir qu´hubo un festarrón y quel beille chenaba la corte, peru onque tarde, chigou ´l sol y cunteimos na puerta la igresia 15 personas d´iquí, una furasteira y ´l cura. Igualico, igualico quel San Bras d´antias

COUSAS DE PUR IQUÍ (IX)

´L pozo de la llouxeira

 

    Ha chuviu tanto estiaño qu´hasta ´l valle de Riñuceda s´enrepuliscou y vulvieu a chinar ´l pozo que vaciorun lus de la canteira

COUSAS DE PUR IQUÍ (VIII)

LA ÑIVADA

Decían lus d´antias: "´L qu´ apustou pul envierno nunca perdieu". Esta yía la prueba pa dayi nas ñarizas a lus que decían qu´ estiaño nun diba haber envierno. Nun sei se vamos pa pior; ora fácense "muñecus de ñieve" y antias facíanse "santos".

COUSAS DE PUR IQUÍ (VII)

SANISTEBA DEL ENVIERNO

N´ este Sanisteba yiéramos d´alguno menos que nu del vrano (doce más ´l cura) pero nun faltorun nin Belén nin Ñiño qu´ adorar

COUSAS DE PUR IQUÍ (VI)

LA FIN

Tamién ñusoutros penseimos que ñus chegaba la fin pur Curpurales pero resultou ser ñubrina. ¡Vaya pur Dios!